Redningsaksjonar og grilling på Månena

550 arrangerte i dag friluftsdag på Månena. Rundt 50 born og vaksne møtte ved Månenahytta som er idrettslaget Vestglimt si hytte. Hytta ligg på omlag 500 moh og er lett tilgjengeleg for dei fleste.

image

Utsyn til Kinsarvik frå dammen som ligg i enden av den øverste skogsvegen.

image

Fint og lett turterreng siste del av turen.

image

Sørfjorden ein vakker søndagsføremiddag.

image

Månenahytta.

Kjetil Lerfall hadde laga ei omlag ein kilometer lang orienteringsløype som dei som ville kunne prøve seg på etter litt kursing i bruk av kart og kompass.

Me var svært heldige og fekk besøk av heile tre ekvipasjar frå Norske Redningshundar. Hilde og Theo, Narve med Styrk og Jørn med Sicko. Etter litt orientering om arbeidet dei gjer og korleis dei trener opp hundane fekk me demonstrert korleis dei gjer søk og korleis dei ulike hundane har ulike måtar å gje beskjed om at dei har funne noko. Imponerande hundar, imponerande hundeeigarar og imponerande arbeid!

image

Informasjon til eit lydhøyrt publikum. Frå venstre Jørn Lervik, Hilde Norheim og Narve Nielsen. Alle frå Norske Redningshundar.

image

Sjølv heltar synest det er godt med litt kos innimellom.

image

Etter søk etter svært mange ungar (og vaksne) var det godt med litt mat. Grillspyd med assortert kjøt og grillspyd med grønnsaker stod på menyen.


image

image

Theo var sliten etter å ha funne SÅ mange store og små folk som hadde gått seg vill, at han kom seg ikkje lenger enn rett innanfor døra før han sovna.

 

550 ynskjer å takka kvar og ein som kom og brukte søndagen i lag med oss!

0 replies

Legg igjen et svar

Want to join the discussion?
Feel free to contribute!

Legg igjen en kommentar

Din e-postadresse vil ikke bli publisert.